ಕೊರೊನಾ ವೈರಸ್: ರಷ್ಯಾದ ಲಸಿಕೆ ಯಶಸ್ವಿ

ಮಾಸ್ಕೋ: ರಷ್ಯಾದ ವೆಕ್ಟೊರ್ ಸ್ಟೇಟ್ ಸೆಂಟರ್ ಆಫ್ ವೈರಾಲಜಿ ಆಂಡ್ ಬಯೋಟೆಕ್ನಾಲಜಿ ಅಭಿವೃದ್ಧಿಪಡಿಸಿರುವ ಕೊರೊನಾವೈರಸ್ ನಿಗ್ರಹ ಲಸಿಕೆಯು ತನ್ನ ರೋಗ ನಿಧಾನ ಪೂರ್ವದ ಪ್ರಯೋಗಗಳಲ್ಲಿ ಅತ್ಯಂತ ಹೆಚ್ಚು ಪರಿಣಾಮಕಾರಿಯಾಗಿರುವುದು ಸಾಬೀತಾಗಿದೆ ಎಂದು ಕೇಂದ್ರದ ನಿರ್ದೇಶಕ ರಿನಟ್ ಮಾಕ್ಸಿಯುಟೊವ್ ಹೇಳಿದ್ದಾರೆ. ವೆಕ್ಟೊರ್ ಕೇಂದ್ರದ ಅಮೈನೋ ಆಸಿಡ್‍ಗಳ ಮಿಶ್ರಣದ ವಿಶಿಷ್ಟ ಪೆಪ್ಟೈಡ್ ಆಧಾರಿತ ಲಸಿಕೆಯು ತನ್ನ ಪ್ರಿಕ್ಲಿನಿಕಲ್ ಪರೀಕ್ಷೆಗಳಲ್ಲಿ ಹೆಚ್ಚು ದಕ್ಷತೆಯನ್ನು ಪ್ರದರ್ಶಿಸಿದ್ದು, ಕ್ಲಿನಿಕಲ್ ಪ್ರಯೋಗಗಳಿಗೆ ಸಿದ್ಧವಾಗಿದೆ ಎಂದು ಅವರು ತಿಳಿಸಿದ್ದಾರೆ.
ಮೊದಲ ಹಂತದ ಪ್ರಯೋಗದ ಎರಡು ಮಧ್ಯಂತರ ವರದಿಗಳನ್ನು ಆರೋಗ್ಯ ಸಚಿವಾಲಯಕ್ಕೆ ನೀಡಲಾಗಿದೆ. ಕೊರೊನಾ ಲಸಿಕೆ ತಯಾರಿಕೆಗೆ ಭಾರತದ ಸಹಕಾರ ಕೇಳಿದ ರಷ್ಯಾ ಪ್ರಯೋಗಕ್ಕೆ ಒಳಪಟ್ಟ ಎಲ್ಲ ಸ್ವಯಂ ಸೇವಕರೂ ಹೆಚ್ಚು ಆರೋಗ್ಯದಿಂದಿದ್ದಾರೆ. ಮೊದಲ ಸ್ವಯಂ ಸೇವಕನಿಗೆ ಎರಡನೆಯ ಬಾರಿಗೆ ಲಸಿಕೆ ನೀಡಲಾಗಿದ್ದು, 21 ದಿನಗಳ ಬಳಿಕ ಆಸ್ಪತ್ರೆಯಿಂದ ಬಿಡುಗಡೆಯಾಗಿದ್ದಾರೆ. ಅವರ ಪರಿಸ್ಥಿತಿಯನ್ನು ಈಗ ಹೊರರೋಗಿ ವಿಭಾಗದಲ್ಲಿ ನಾವು ಗಮನಿಸುತ್ತಿದ್ದೇವೆ. ಅವರು ಮೂರು, ಆರು ಮತ್ತು ಒಂಬತ್ತನೇ ತಿಂಗಳು ಆಸ್ಪತ್ರೆಗೆ ಭೇಟಿ ನೀಡಲಿದ್ದಾರೆ ಎಂದು ವಿವರಿಸಿದ್ದಾರೆ. 2020ರ ಅಕ್ಟೋಬರ್‍ನಲ್ಲಿ ಲಸಿಕೆಯನ್ನು ನೋಂದಣಿ ಮಾಡಲಾಗುವುದು ಮತ್ತು ನವೆಂಬರ್‍ನಲ್ಲಿ ವ್ಯಾಪಕ ಉತ್ಪಾದನೆ ಆರಂಭಿಸಲಾಗುವುದು ಎಂದು ಅವರು ತಿಳಿಸಿದ್ದಾರೆ.

Leave a Reply

Your email address will not be published. Required fields are marked *