ಪೂಜಾರ ಕಟ್ಟಿ ಹಾಕಲು ಯೋಜನೆ ರೂಪಿಸುತ್ತಿರುವ ಪ್ಯಾಟ್ ಕಮಿನ್ಸ್

ಭಾರತ ಹಾಗೂ ಆಸ್ಟ್ರೇಲಿಯಾ ನಡುವಣ ವರ್ಷಾಂತ್ಯದಲ್ಲಿ ನಡೆಯಲಿರುವ ಸರಣಿಯ ಬಗ್ಗೆ ಅನಿಶ್ಚಿತತೆ ಮುಂದುವರಿಯುತ್ತಿರುವ ನಡುವೆಯೂ ಚೇತೇಶ್ವರ ಪೂಜಾರ ಕಟ್ಟಿಹಾಕಲು ಕಾಂಗರೂ ವೇಗಿ ಪ್ಯಾಟ್ ಕಮಿನ್ಸ್ ಯೋಜನೆ ರೂಪಿಸಿಕೊಳ್ಳುತ್ತಿದ್ದಾರೆ.

Highlights
2018ರಲ್ಲಿ ಆಸೀಸ್ ನೆಲದಲ್ಲಿ ಚೊಚ್ಚಲ ಹಾಗೂ ಐತಿಹಾಸಿಕ ಸರಣಿ ಗೆಲುವು ಬಾರಿಸಿದ್ದ ಭಾರತ.
ಈ ಬಾರಿ ಭಾರತದ ಸವಾಲಿಗೆ ಆಸೀಸ್ ಸಜ್ಜು
ಚೇತೇಶ್ವ ಪೂಜಾರಗೆ ಬಲೆ ಬೀಸಲು ವಿಶ್ವ ನಂ.1 ಬೌಲರ್ ಪ್ಲ್ಯಾನಿಂಗ್.
ಹೊಸದಿಲ್ಲಿ: ಕೊರೊನಾ ವೈರಸ್ ಲಾಕ್‌ಡೌನ್‌ನಿಂದಾಗಿ ಕ್ರಿಕೆಟ್ ಚಟುವಟಿಕೆಗಳು ಸ್ಥಗಿತಗೊಂಡಿದೆ. ಇದರಿಂದಾಗಿ ವರ್ಷಾಂತ್ಯದಲ್ಲಿ ನಡೆಯಲಿರುವ ಭಾರತ ಹಾಗೂ ಆಸ್ಟ್ರೇಲಿಯಾ ನಡುವಣ ಸರಣಿಯು ನಡೆಯಬಹುದೇ ಎಂಬುದು ಅನುಮಾನವೆನಿಸಿದೆ.
ಈ ಮಧ್ಯೆ ವಿಶ್ವದ ನಂ.1 ಟೆಸ್ಟ್ ಬೌಲರ್ ಆಸ್ಟ್ರೇಲಿಯಾದ ಪ್ಯಾಟ್ ಕಮಿನ್ಸ್, ಭಾರತದ ಕಲಾತ್ಮಕ ಬ್ಯಾಟ್ಸ್‌ಮನ್ ಚೇತೇಶ್ವರ ಪೂಜಾರ ಅವರನ್ನು ಕಟ್ಟಿಹಾಕಲು ಈಗಿನಿಂದಲೇ ಮಾಸ್ಟರ್ ಪ್ಲ್ಯಾನ್ ರೂಪಿಸುತ್ತಿದ್ದಾರೆ.

2018ನೇ ಇಸವಿಯಲ್ಲಿ ಭಾರತ ಆಸೀಸ್ ನೆಲದಲ್ಲಿ ಚೊಚ್ಚಲ ಹಾಗೂ ಐತಿಹಾಸಿಕ ಟೆಸ್ಟ್ ಸರಣಿ ಗೆಲುವು ದಾಖಲಿಸಿತ್ತು. ಅಂದು ವಿಕೆಟ್‌ನ ಒಂದು ತುದಿಯಲ್ಲಿ ಬಂಡೆಕಲ್ಲಿನಂತೆ ನಿಂತಿದ್ದ ಚೇತೇಶ್ವರ ಪೂಜಾರ ಭಾರತದ ಗೆಲುವಿನಲ್ಲಿ ನಿರ್ಣಾಯಕ ಪಾತ್ರ ವಹಿಸಿದ್ದರು.

ವಿರಾಟ್ ಕೊಹ್ಲಿಯನ್ನು ಅತೀವ ಗೌರವಿಸುತ್ತೇನೆ, ಒಳ್ಳೆಯ ಸ್ನೇಹಿತರಾಗಬಲ್ಲೆವು: ಶೋಯೆಬ್ ಅಖ್ತರ್

2-1ರ ಅಂತರದಲ್ಲಿ ಭಾರತದ ಗೆಲುವಿನಲ್ಲಿ ಮಹತ್ವದ ಪಾತ್ರ ವಹಿಸಿದ್ದ ಪೂಜಾರ, 74.42ರ ಸರಾಸರಿಯಲ್ಲಿ 521 ರನ್ ಕಲೆ ಹಾಕಿದ್ದರು. ಇದರಲ್ಲಿ ಮೂರು ಶತಕ ಹಾಗೂ ಅರ್ಧಶತಕವು ಸೇರಿತ್ತು.

“2018ರಲ್ಲಿ ಪೂಜಾರ ಅದ್ಭುತ ಸರಣಿ ಹೊಂದಿದ್ದರು. ಅವರು ತಮ್ಮ ಸಮಯವನ್ನು ತೆಗೆದುಕೊಂಡು ಆಡುವ ಆಟಗಾರರಲ್ಲಿ ಓರ್ವರಾಗಿದ್ದಾರೆ. ಅವರು ಹೆಚ್ಚು ಗೊಂದಲಕ್ಕೊಳಗಾವುದಿಲ್ಲ” ಎಂದು ಪ್ಯಾಟ್ ಕಮಿನ್ಸ್ ವಿವರಿಸಿದ್ದಾರೆ.

“ಅವರು ಕಳೆದ ಬಾರಿ ಬ್ಯಾಟಿಂಗ್ ಮಾಡಿದ ರೀತಿಯಲ್ಲಿ ಬ್ಯಾಟಿಂಗ್ ಮಾಡುವುದಾದರೆ ನಾವರನ್ನು ಮೀರಿಸಬೇಕಿದೆ. ಪಿಚ್‌ನಿಂದ ನೆರವು ಸಿಗದಿದ್ದರೆ ಏನನ್ನು ಮಾಡಲು ಸಾಧ್ಯವಿಲ್ಲ. ಹಾಗಾಗಿ ಸ್ವಲ್ಪ ಹೆಚ್ಚು ಔಷಧಿಯನ್ನು ತೆಗೆದುಕೊಂಡು ಪೂಜಾರರನ್ನು ಮೀರಿಸಲು ಬಯಸಬೇಕು” ಎಂದರು.

ಭಾರತದ ಆಸೀಸ್ ಪ್ರವಾಸ ನಿಗದಿತ ವೇಳಾಪಟ್ಟಿಯಂತೆ ನಡೆಯುವ ಸಾಧ್ಯತೆ!

ಈ ಬಾರಿ ಪರಿಸ್ಥಿತಿಯು ಆಸೀಸ್ ಪರವಾಗಿರಲಿದೆ ಎಂದು ಪ್ಯಾಟ್ ಕಮಿನ್ಸ್ ವಿಶ್ವಾಸ ವ್ಯಕ್ತಪಡಿಸಿದರು. ಇದರಿಂದ ಪೂಜಾರರನ್ನು ಅವರ ಕಂಫರ್ಟ್ ಜೋನ್‌ನಿಂದ ಹೊರಹಾಕಲು ಸಾಧ್ಯ ಎಂದು ಹೇಳಿದರು.

“ನಾವು ಕಾದು ನೋಡುತ್ತಿದ್ದೇವೆ. ವಿಕೆಟ್‌ಗಳು ಸ್ಪಲ್ಪ ಬೌನ್ಸ್ ಆಗಲಿದೆ ಎಂದು ಭಾವಿಸುತ್ತೇನೆ. ನಮ್ಮಲ್ಲಿ ಇನ್ನು ಕೆಲವು ಆಯ್ಕೆಗಳಿವೆ” ಎಂದು 27ರ ಹರೆಯದ ಆಸೀಸ್ ವೇಗಿ ಹೇಳಿದರು.

“ನಾನು ಆಡುವ ಪ್ರತಿಯೊಂದು ಟೆಸ್ಟ್‌ನಲ್ಲಿ ನನ್ನ ಬೌಲಿಂಗ್ ಬಗ್ಗೆ ಹೊಸ ವಿಚಾರಗಳನ್ನು ಕಲಿತುಕೊಳ್ಳುತ್ತಿದ್ದೇನೆ. ಅಲ್ಲಿಂದ ಬಳಿಕ 10ರಿಂದ 15 ಟೆಸ್ಟ್ ಪಂದ್ಯಗಳನ್ನು ಆಡಿದ್ದು, ಹೆಚ್ಚು ಅನುಭವ ಸಂಪಾದಿಸಿದ್ದೇನೆ” ಎಂದು ಹೇಳಿದರು.

ಬೌಲರ್‌ಗಳಿಗೆ ಗಾಯದ ಆತಂಕ; 2 ತಿಂಗಳ ಅಭ್ಯಾಸಕ್ಕೆ ಐಸಿಸಿ ಸಲಹೆ

“ವಿಶ್ವದ ಅತ್ಯುತ್ತಮ ತಂಡವಾಗಲು ಏನು ಮಾಡಬೇಕು, ಯಾವ ಮಟ್ಟದಲ್ಲಿರಬೇಕು ಎಂಬುದನ್ನು ಭಾರತ ನಮಗೆ ತೋರಿಸಿಕೊಟ್ಟಿದೆ. ಹಾಗಾಗಿ ಈ ಬಾರಿ ಭಾರತದ ಸವಾಲು ಎದುರಿಸಲು ನಾವು ಸಿದ್ಧವಾಗಿರಬೇಕು. ಪ್ರತಿಯೊಬ್ಬರು ಹೆಚ್ಚು ಅನುಭವ ಸಂಪಾದಿಸಿದ್ದಾರೆ. ಒಂದರಡು ಕ್ಲಾಸ್ ಬ್ಯಾಟ್ಸ್‌ಮನ್‌ಗಳು ನಮ್ಮ ಜೊತೆಗಿದ್ದಾರೆ ಎಂದು ಮಾರ್ನಸ್ ಲ್ಯಾಬುಶಾನೆ ಉದಾಹರಿಸುತ್ತಾ ತಿಳಿಸಿದರು”.

[RZP]

Leave a Reply

Your email address will not be published. Required fields are marked *